F’Diċembru li għadda, waqt iż‑żjara uffiċjali tal-Ministru għall‑Ġustizzja fiċ‑Ċentru ta’ Arbitraġġ Internazzjonali ta’ Shanghai (SHIAC), saru diskussjonijiet dwar kooperazzjoni futura fil‑qasam tal‑arbitraġġ. SHIAC minn dakinhar informa lill-Ministeru li bħalissa qiegħed iġedded il‑Panels tal‑Arbitri tiegħu bħala parti mill‑ħatriet regolari b’mandat fiss.
SHIAC esprima interess qawwi li jsaħħaħ ir‑relazzjonijiet professjonali u istituzzjonali ma’ Malta. F’dan il-kuntest, ġiet estiża stedina lill-professjonisti legali Maltin li għandhom l‑għarfien u l‑esperjenza meħtieġa biex japplikaw għall‑inklużjoni fil‑Panels tal‑Arbitri. Din l‑inizjattiva tifforma wkoll parti mill‑isforzi kontinwi tal‑Ministeru biex tissaħħaħ il‑kooperazzjoni legali internazzjonali u jitwessa’ l‑involviment professjonali fil-qasam tal‑arbitraġġ.
Meta wieħed iqis l‑istima li l‑prattikanti Maltin igawdu fuq livell internazzjonali, din tirrappreżenta opportunità siewja għal impenn aktar wiesgħa, viżibbilità msaħħa u skambju legali ulterjuri bejn iż‑żewġ ġurisdizzjonijiet.
Proċess ta’ Applikazzjoni
Jekk inti interessat li tiġi kkunsidrat għall‑ħatra, għandek timla l‑Formola ta’ Applikazzjoni ta’ SHIAC u tissottomettiha flimkien mad‑dokumenti li ġejjin:
Ritratt riċenti
Warrant ta’ avukat
Ċertifikati akkademiċi
Lista ta’ pubblikazzjonijiet (jekk applikabbli)
Kull materjal ieħor rilevanti ta’ sostenn
L‑applikazzjonijiet kompluti għandhom jintbagħtu direttament lil SHIAC bl‑email sat‑Tlieta 24 ta’ Frar fuq:
[email protected],
[email protected],
[email protected],
[email protected]
Jekk teħtieġ aktar informazzjoni, ikkuntattjana. Inħeġġu lill‑kollegi kollha eliġibbli biex jikkunsidraw din l‑opportunità.
